NAHIBALOAN na ang nahimo sa matag Local Government Unit sa Davao del Norte labot sa paghatod ug serbisyo panglawas atol sa Davao del Norte Health Summit 2018, Martes, Agosto 14.

Ang DavNor Health Summit 2018 nagpakita sa mga LGU health scorecard, usa ka importanteng galamiton alang sa Monitoring and Evaluation for Equity and Effectiveness (M3) aron masukod ang pag-uswag sa mga programa sa panglawas ug mga reporma nga gihimo diha sa lokal nga lebel. 

Ang health scorecard nagsilbi sab nga “accomplishment report” sa miaging 2017 nga nagpakita sa kakayahan sa usa ka LGU sa paghatod sa kalidad sa serbisyo panglawas ngadto sa publiko. Ang scorecard magsilbing hagit sa mga health service providers nga mailhan ang angay’ng pauswagon nga mga serbisyo diha sa ilang lokalidad pinaagi sa mga sukdanan nga gihatag sa Department of Health (DOH) nga gitiman-an ug mga kolor.

“This scorecard is one of the instrument to achieve the universal health care Kalusugan Pangkalahatan for local health development. . It is a performance assessment of the combined efforts of stakeholders in the provincial wide health system. Each are assessed, translating their delivery performance into colors. For the health, green represents the performance of the LGU that reach the national objectives of health targets; yellow, the LGU reach the national average but not the national objective or target; the red one, perteng luoya gyod, the performance below the national base line,” matod ni DavNor Provincial Health Officer II Dr. Alfredo Lacerona.  

Sa 11 ka mga LGUs sa probinsya, nanguna ang Tagum City nga adunay aberids 82% nga grado sa upat ka bahin sa Scaling-up Public Health Intervention for MDGs, Governance for Health-Internal Management Support System, Efficient Health Sector Spending ug Enhanced LGU Scorecard. 

“Let me take this opportunity first to thank you for your support and commitment to our noble thrust of providing basic health services to our people. With your help, my administration has overcome numerous adversities and setbacks besetting our health sector. I am grateful that you have shared with me the burden and your time, talent and treasure in ensuring the well-being of the most important resource of the province- our people,” matod sa mensahe ni Gobernador Anthony del Rosario nga gihatod ni Executive Assistant Nemeses Nuñez.

Aron madasig nga ayohon paghatod ang mga serbisyo panglawas ngadto sa mga Dabaonon, naggahin ang gobernador ug P90,000 nga magsilbing “premyo” sa mga LGUs atol sa Health Summit 2018 nga may tema “Achieve for more, Gain motivation to soar, Reach and exceed the goal.”

Ug aron mapalapad pa ang mapinadayonong paghatod sa serbisyo gipaduol pa gyod kini pinaagi sa BEST PEOPLE Festival of Services caravan kaduha sa usa ka bulan ngadto sa lima ka hilit nga mga barangays sa probinsya diin kadaghanan niini maoy serbisyo panglawas.

DavNor News