Kanhi Gob RDR gidasig ipadayon plano-pangkalamboan sa Talicud

GIDASIG ni kanhi Gobernador Rodolfo del Rosario nga ipadayon ang plano-pangkalamboan alang sa Talicud Island atol sa iyang pagbisita sa libreng Kasalan ng Bayan dala sa BEST PEOPLE Serbisyo Caravan Huwebes, Septyembre 13.   

“Dako ang akong kalipay nakaabot ako dinhi sa inyong Kasalan. May you live happily, forever and up to the end of your life. . You may have your own family, inyong mga anak inyong padakoon, paaralon, upang pagdako nila sila na pod ang magdala ning atong island sa Talicud,” pagtimbaya ni RDR sa 55 ka magtiayon nga naghimong legal sa ilang panagtipon.

Nasayangan ang kanhi gobernador nga wala madayon ang development plan kaniadto ilabina nga kasamtangan gisirado ang Boracay island.   

“Dinhi sa Talicud dako kaayo atong programa dinhi. Sayang lang dili nato napadayon ang atong plano. Naggawa tayo ng development plan of the island of Talicud, nga atong himoon dinhi sa Talicud kung unsa ang naa sa Boracay. Sayang ba. Kung napadayon intawon ang project nga atong giplano, himoan nato ni circumferential road, kung nasemento kini, karon kini na ang Boracay intawon. Pero di man na nahitabo. So, mga sumusunod na panahon, ato nang paningkamotan kanang atong plano dire sa Talicud,” padayong pagdasig ni RDR nga amahan ni Gobernador Anthony del Rosario (AGR).

Alang sa kanhi gobernador ang kalamboan sa Talicud island nagpasabot ug trabaho ilabina nga dako kaayo ang Talicud kung itandi sa Boracay.

“Kinahanglan atong i-develop ang Talicud so that ang atong mga anak ug kamo naay mga trabaho, livelihood. . Ang area sa Boracay 1,000 hectares lang na. Dinhi saTalicud 3,000 hectares,” padayong pagdasig ni RDR sa pandungog ni Gobernador AGR, Senior board member Rodney del Rosario, BM Raymund Millan, IGACOS vice mayor Orly Amit, provincial administrator Samson Sanchez, provincial tourism council officer Araceli Ayuste ug mga department heads atol sa Kasalan ng Bayan sa isla.

Ang libreng Kasalan ng Bayan maoy usa sa mga serbisyo sa BEST PEOPLE Festival of Services dala ni Gob AGR nga nahatod na sa New Corella, Braulio E. Dujali, Asuncion, Panabo City, Carmen, Talaingod, Kapalong, ug Sto. Tomas gawas sa halos usa ka gatos lain-lain nga mga serbisyo nga gipaabot ngadto sa mga Dabaonon.


 

More Davnor Updates at

DavNor Karon

 

DavNor News