DavNor nanawagan padayong panalipdan kahinguhaan sa pangisda

TUNGOD sa nagkaubos nga kahinguhaan (resources) sa pangisda, nanawagan na usab ang probinsyal nga panggamhanan sa Davao del Norte nga padayong atimanon ug panalipdan ang dagat ug katubigan atol sa pag-obserbar sa ika-55 nga National Fish Conservation Week kagahapon, Myerkoles, Septyembre 18.

“Our theme for this year, “Kapag Karagatan ng Munisipal ay Inalagaan, Sasagana ang Yamang-Dagat ng Buong Sambayanan,” is a constant reminder on the importance of preserving and protecting our marine resources for the benefit of both our fisherfolks and the general constituency. Ngano man nga mopahigayon niini nga selebrasyon? Unsa ba gayud kini ka-importante? Kabalo kita nga ang isda mao ang nag-unang kakuhaan sa barato nga protina, ilabi na sa atong kabus nga katawhan, bisan pa ang isda karon mopareha na ug presyo sa karne. Mao nga kinahanglan atong protektahan ang atong fisheries and aquatic resources aron nga masiguro ang malahutayon nga produksyon sa isda labot sa atong tumong nga kasigurohan sa pagkaon,” panawagan sa mensahe ni Gobernador Anthony del Rosario nga gihatod ni Executive Asst Nemeses Nuñez.

Sa datos nga gibutyag ni Provincial Agriculture Office (PAGRO) Asst. Department Head Darryl Ayado, gikumpirmar niini nga nagkaubos gayod ang kuha sa isda gikan sa kadagatan sulod sa probinsya ug 12% matag tuig gikan pa niadtong 2016. 

Maayo na lang tungod sa hiniusang paningkamot sa mga personahe ug mga mangingisda, ang pagbuhi ug isda diha sa mga Mariculture fish cages mihimo ug pag-uswag nga 6.9% nga gikomendahan ni Gob AGR.

Dili lalim ang pagpangisda. Kusog ug daghang singot ang kapital niini. Busa saludo kami sa inyong padayon nga paghatag sa inyong panahon ug kusog aron permanente ang supply sa isda sa atong lalawigan. We also recognize the efforts of our fishery officials and personnel, local leaders, law enforcement agencies and other members of our society, who, in one way or the other, have given their time, talent and treasure in protecting our fisheries and aquatic resources.  So, today I call upon everyone to let us renew our commitment in fighting illegal, unreported and unregulated fishing in our province,” padayong panawagan sa DavNor gobernador.

Atol sa pag-obserbar sa ika-55 nga Fish Conservation Week nga gitambongan sa mga mangingisda gikan sa tanang LGUs sa probinsya, adunay gipangahatag nga mga fingerlings gawas pa sa gipahinabo nga Livelihood Forum, Technology Updates ug bisan pagbayloay sa mga pangutana alang sa dugang kahibalo sa pagpreserbar ug pag-protektar sa kinaiyahan sa mga linalang sa katubigan.

Ang usa ka adlaw nga panagtapok gitapos pinaagi sa mga padula nga Kagang (Crab) racing contest, Hito relay ug Bagongon sucking (sup-sup) contest nga gikahimuot sa mga  mangingisda sa probinsya.


 

More Davnor Updates at

DavNor Karon

 

DavNor News