DavNor PHRMO mipailawom ‘meat processing’ seminar

MIPAILAWOM ug usa ka adlaw “meat processing” seminar ang tibuok Provincial Human Resource Office (PHRMO) ingong kabahin sa Gender and Development program sa probinsyal nga panggamhanan sa Davao del Norte.

“The total PHRMO department as approved by the honorable governor thru the provincial administrator. Part ni sa Gender and Development program implementation sa province. Tanang opisina naa po’y Gender and Development program, unya magpili ang mga department heads unsay gusto nila nga linya sa program implementation,” matod ni PHRMO department head Ms. Monica Salido nga miapil gyod sa usa ka adlaw nga pagbansay bisan kung sa miagi nakaapil na ug susama nga livelihood training.

Sa ikatulong letrang “E” sa BEST PEOPLE development agenda nga nagtumong ‘Employment and Livelihood Opportunities,’ katuyoan gayod sa administrasyong Gobernador Anthony del Rosario nga makatabang sa panginabuhian pinaagi sa mga Livelihood Skills Training aron dunay dugang kinitaan.

“Before mi nag-conduct ug unsa gyod ang among gusto nga Gender and Development activity, nag-survey mi una kung unsa ang gusto kay daghan man gud mga gender issues nga kinahanglan i-addressed. One of it is naa ta’y mga kakulangan sa finances. So, this meat processing would be a very good initiative wherein aside nga de-stressor ni sa atong mga trabaho, pwede ni siya as a source of negosyo after work—pwede sila maghimo ug siomai, tocino, chorizo ug pwede nila ibaligya as a form of another income, usa sa gender issue nga kailangan nato i-address sa department,” matod ni Ms. Michelle Claridad, head sa Human Resource Development Division.

Dugang sab pasabot sa PHRMO department head Monica Salido nga ang livelihood training gawas nga de-stressor, ang mga pagbansay makalingaw ug makatubag sa kagustohan (wants) sa usa ka tawo.

“Gibati namo dire sa HRM nga kailangan, ang mga empleyado gawas nga de-stressor, para malingaw pod mi, nindot ni siya nga deviation. At the same time, mo-improve ang among income nga dili lang gyod magsalig sa sweldo kay ang sweldo usahay naa na ma’y padulngan. Gawas sa needs naa man ta’y wants. Mag-negosyo ta, entrepreneurial activities sa empleyado gitugot na sa government service, nga ang empleyado maging productive,” dugang esplikar ni Ms. Salido.

Ingong usa ka amahan, bana ug empleyado, si Assistant department head Edwin Palero adunay daghang positibong rason sa livelihood training bisan kung “hawod” na kini mo-tadtad ug ahos.

“Sa among pamilya karon walay giingon nga ikaw asawa ikaw tigluto, ikaw bana, ikaw tigkaon. Wala na na siya nga kultura sa amoa. Presyo pod siya kung kanang imong naminyoan imo gyong gihigugma. Mao nang apil ko dire kay ma-enhance ang akong knowledge kay law-oy ra man ug tinola; karon kabalo nako mohimo’g chorizo. Ang ako gyo’ng nakit-an dire ang opportunity for having a business,” pahayag sa PHRMO Asst department head nga makatabang gayod ilabina dihang mag-retiro gikan sa serbisyo.

Si Mr. Conrado Lozada, Jr nga pamilyado sab desidido nga mokat-on.

“Isip head sa family, aside sa imong trabaho kinahanglan maka additional income. Ikaduha bisan sa pang-konsumo na lang sa imong pamilya mahatag na nimo kanang natural, sama ani nga technology kay ang imong gamiton kini man mga organic gyod, natural nga ingredients. Segurado ka sa imong gikaon kay ikaw man gyod ang nagbuhat,” pahayag ni Lozada, Jr. 

Ang tanang 19 ka departamento sa DavNor Kapitolyo adunay Gender and Development program nga sila ang mag-ila unsa ang angay makat-onan.


 

More Davnor Updates at

DavNor Karon

 

DavNor News