PAGRO, PVO giserbisyohan 18,000 mag-uuma, 106,000 hayop

NAKADAWAT ug lain-laing serbisyo ang halos 18,000 ka mga mag-uuma ug 16,000 ka hayop gikan sa lain-laing dapit sa Davao del Norte atol sa unang hugna sa paglibot sa BEST PEOPLE Serbisyo Caravan.

Gikan sa pagsugod niadtong Pebrero 19, 2018 didto sa Limbaan, New Corella hangtod sa Talicud Island, Island Garden City of Samal, nakaserbisyo na ang DavNor Provincial Agriculture Office (PAGRO) ug Provincial Veterinary Office (PVO) ug 17,666 ingon man 105,709 ka hayop. Wala pa’y labot ang giserbisyohan sugod niadtong Lunes, Septyembre 24-28 nga Serbisyo Caravan sa Poblacion, New Corella.

Katuyoan sa administrasyong Gobernador Anthony del Rosario nga ipaduol ang mga serbisyo sa DavNor Kapitolyo aron mapakusog ug mapalambo ang katakos ug kahanas sa mga Dabaonon. Katuyoan sab nga ipaduol ang lain-laing serbisyo medikal, legal, sosyal ug bisan espirituwal aron ang publiko makadaginot ug kwarta, panahon ug kahago.

Ang mga serbisyo nga gitunol sa PAGRO naglakip sa pagpanghatag ug igtatanom nga mga gulayon, prutas (durian, guyabano, Mangosteen, Lanzones), cacao, kape, fingerlings sa tilapia ug coy, Trichoderma ingon man mga materyales IEC.    

Sa mga hayop nga giserbisyohan sa PVO, ang manok miabot ug 86,153 ug 9,053 sab ang baboy gawas sa baka, carabao, kanding, iro, iring ug kabayo.

Ug bisan sa mga balod ug kahilit sa Talikud Island wala gayod nasayang ang kahago sanglit 16,686 ka  manok, 840 ka baka, 1011 nga kanding ug 2,819 nga baboy ang nahatagan ug serbisyo sa taga PVO. 


 

More Davnor Updates at

DavNor Karon

 

DavNor News