Gob AGR todo pasalamat sa mga titser

GIPASALAMATAN gayod ni Gobernador Anthony del Rosario (AGR) ang mga magtutudlo atol sa pagtimaan sa Panabo City division alang sa World Teachers’ Day Martes, Oktubre 2 didto sa Big 8 Hotel tungod sa ilang dakong kontribusyon ingong tig-molde sa katawhan ug sosyedad.

“Education plays a vital role for development not only for a single person but also for the entire society. Kamo nga among magtutudlo ang kinaunhan sa linya sa paggiya sa usa ka malampusong nasod. Kamo ang nagsilbing ikaduhang ginikanan nga naghatag inspirasyon ug pagsalig sa matag usa nga pangandoy,” matod sa mensahe sa gobernador nga gibasa sa iyang Chief of Staff Roger Baay.

Giila sab sa gobernador ang bug-at nga responsibilidad sa mga titser ingong utang kabubut-on. 

“There is no formula to becoming a perfect teacher as there is no single formula for success. There is only the aspiration and determination to guide, believe, lead, and boost a young dreamer into taking another step towards success. Bug-at kaayo ang responsibilidad ninyo. Dili lalim na trabaho ang pag-giya sa kaugmaon sa atong nasod. I salute you all. For despite the stress and challenges you face, you were able to transform lives and became instrumental in our journey to change. Dako kaayo ang among utang kabubut-on kaninyo,” padayong komendasyon ni gob AGR.

Ang mensahe nag-awhag sab sa mga magtutudlo nga atimanon ang ilang kaugalingon ug ang World Teachers’ Day maoy usa ka adlaw nga gahin alang kanila.

“You should never forget to take care of your physical and mental health.  When you feel exhausted, take a rest. Sama sa inyong estudyante, mobati pud mo ug burn-out. Always remember that as much as you want your students to enjoy learning, we want you to continue to enjoy teaching. Kini nga adlaw dedicated gyud ni para maka relax ug maka pahuway mo. It is just a single day out of the year but I hope you will be recharged with every thank you and best wishes you receive,” paniklop nga pagdasig sa DavNor Chief Executive ngadto sa sobra 1,600 ka mga titser sa Panabo City division.

Gawas sa mga mensahe sa pagdasig, ang panagtapok sa mga magtutudlo puno sa mga pasundayag sa mga awit ug sayaw balik sa dekada ‘70 ug ’80 inubanan sa balik-panahon nga gisul-ob (retro attire) sa mga magtutudlo.

Ang National Teachers’ Month nga gisaulog gikan Septyembre 5 hangtod Oktubre 5 nagdala sa tema “Gurong Pilipino: Turo Mo, Kinabukasan Ko.”


 

More Davnor Updates at

DavNor Karon

 

DavNor News