AGR giila dakong kontribusyon sa DavNor titser

GIILA PAG-AYO ni Gobernador Anthony del Rosario ang dakong kontribusyon sa mga magtutudlo sa paghulma sa maayong kaugmaon sa Davao del Norte.

Atubangan sa sobra 4,000 ka mga DavNor titser (ang uban wala na makasulod sa RDR gym), gipasalamatan ni Gob AGR ang ilang dakong tabang sa pagpalambo sa ‘human capital’ sa probinsya.      

“Teachers play a very important role in the upbringing of our young. Bisan pa unsa’y isulti sa ubang mga tawo, there is no doubt in my mind, in my heart, nga kamo gyod mga teachers are really the producers of future development of Davao del Norte,” pagdayeg ni Gob AGR nga nahinumdum sa iyang Grade I titser sa mathematics nga nagdasig sa pagkahimo niyang Industrial Engineer.

Mas pang giila ni AGR ang dakong tabang sa mga titser sa pagdumala sa pamilyang del Rosario aron kini mahimong “premier province.”    

“We are the envy of all provinces in Davao Region. Because, tungod sa inyong tabang kauban sa ubang opisyales sa gobyerno, we have been able to realize our dream of making Davao del Norte a premier province. We could have not done this without all of you mga teachers. Because part of our plan for being a premier province is to ensure that our children are well-educated so that in the future they can continue what we started forty years ago. Kamong tanan, we are all partners in the development. We need you in order to develop our human capital, our youths, in order for us to continue to remain sustainable as far as the development of this province is concerned,” pasalamat sa gobernador sa tabang sa mga magtutudlo gikan pa sa pagdumala sa iyang amahan kanhi Gob Rodolfo del Rosario balik 1978.

Ingong pagtan-aw sa “utang” ngadto kanila, iyang gipahibalo nga tas-an ang counterpart sa probinsya alang sa mga locally-paid nga magtutudlo.  

“Nag-estoyahay mi ni Dr. Fadul kay ang among counterpart man gud sa province is only 2,500 ug may counterpart pod sa mga munisipyo. Seguro kinahanglan na nga atong tas-an ang 2,500. Himoon na natong 5,000 ang counterpart sa province unya hangyoon nato ang mga municipal mayors kadtong less than 5,000 dapat isaka pod nila sa 5,000 para 10,000 na madawat nila kada bulan sa locally-paid teachers,” pahibalo ni Gob AGR nga gikalipay pag-ayo sa magtutudlo.

Gipahibalo sab ni AGR nga librehon na sa probinsya ang mga magtutudlo alang sa ilang Continuing Professional Development kun CPD.

“Kabalo pod mi nga naa na po’y bag-ong requirement, kining CPD, Continuing Professional Development. Sa akong nadunggan, ang mga teachers every three years required mo mag-renew ug lisensya ug kinahanglan magkuha mo ug kurso sa CPD. Ug ingon sila kinahanglan magbayad na pod mo para makakuha ug kurso. Panahon na nga mohatag ta ug libreng CPD para sa tanang teachers. So starting next year, libre na ang CPD ninyo,” dugang ni AGR.

Gawas sa daghang benepisyo, nag-Serbisyo Caravan sab ang DavNor alang sa mga magtutudlo ug nagpa-concert ni Cacai Bautista uban sa mga celebrities aron mawala ang “stress” sa mga titser.

Sa pagsaulog sa mga DavNor magtutudlo sa World Teachers’ Day, nanghinaut si Gob AGR nga sa sunod tuig masulod na ang tanan sa 5,000 capacity DavNor sports coliseum nga tukoron.


 

More Davnor Updates at

DavNor Karon

 

DavNor News