GIPAMATUD-AN sa Davao del Norte eGovernance Team ang kahawod dihang nagkampeon kini sa tulo ka kategoriya ug nahimong second placer sa laing duha ka kategoriya atol sa Digital Cities PH Awards Best Practices in eGovernance for Local Government Units Byernes, Oktubre 12 didto sa PICC, Manila.

Sa paghimo ug sistema nga giila ug gidawat sa internasyonal nga sukdanan, diha sa probinsyal nga lebel nag-kampeon ang DavNor sa Best in eGov Systems for Global Competitiveness Award (G2W) nga nailhang AGR-IMS o ang Aksyon Gabay tungo sa Repormasyon-Information Management System. Kini ang sistema nga gigamit alang sa pag-rekord sa mga boluntaryong misurender biktima sa kalangkit sa illegal nga droga.

Nagkampeon sab ang DavNor sa Best in Data-Driven Governance (D2G) nga mao ang Human Resource Information System (HRIS) Version 2 ug Best in eGov Customer Empowerment Award (G2C), nga mao ang Public Service Information System o ang Festival of Services Information System nga kanunay’ng gigamit matag higayon gihatod ang Festival of Services (FoS) sa mga barangays.

Nahimo sab nga second placer ang DavNor diha sa Best in eGov Government Interoperability Empowerment Award (G2G) kun Re-organization Information Management Systems (RIMS) ug sa Best in eGov Business Empowerment Award (G2B) nga nailhang IPTelephony sa probinsya.

“That is why, in line with our Abilidad and Malasakit or AMA leadership strategy, we strengthened our eGovernance Program to bring the services of the Provincial Government closer to our constituents, while speeding up transactions and cutting down costs through real-time online services. And I am happy that we are on the right track. It is indeed a great pride and joy that our efforts in implementing the eGovernance program was finally recognized by the government,” matod sa mensahe ni Gobernador Anthony del Rosario nga gipalanog pinaagi ni Probinsyal administrador Samson Sanchez.

“I am proud to announce that the Provincial Government of Davao del Norte reigned supreme, let me repeat, reigned supreme during the Digital Cities PH Awards Night very recently in the PICC, Manila. Out of 65 entries from 36 competing LGUs around the country, we won five national awards in the coveted information systems competition,” pagdayeg ni Gob AGR sa paningkamot ilabina sa DavNor eGovernance team.

Giila hinuon sa gobernador nga ang tinuod nga ganti mao ang katumanan sa gipangandoy nga mga kaayohan nga maani sa katawhang Dabaonon -- ang daghang oportunidad sa nagakalapad nga globalisasyon -- ug ang nadawat nga pasidungog maoy “bonus” lamang.

“These recognitions are just an added bonus. The true reward that we derived from this program is the realization that our dream of truly enabling our people to reap the many opportunities of increasing globalization. Bisan unsaon nila’g sulti pangdaot kanato, dili jud matago nga aduna na kitay daghang nahimo. Ang panggobyerno dili lang sa imprastraktura makita nga duna ta’y nahimo apan diha sa katibuk-ang programa ug kinatibuk-ang pagdala sa panggamhanan probinsyal nga dunay epekto sa katawhan,” paniklop sa mensahe ni Gob AGR.

Bisan pa sa nakab-ot nga kalamposan, desidido ang DavNor eGovernance team nga ipadayon ang pagpauswag sa nahan-ay na nga mga sistema.

DavNor News