BISAN KUNG BUGNAW ang pagtagad sa mga dagkong opisyales sa lungsod sa Kapalong apan init nga gidawat sa katawhan sa Barangay Maniki, Luna, Pag-asa, Mamacao ug Sampao ang subling paghatod sa Serbisyo Caravan nga dala sa probinsyal nga administrasyon ni Gobernador Anthony del Rosario (AGR).

Apan daghan sab gikan sa taga barangays Mabantao ug Mamangan ang nagpahimulos sa halos usa ka gatos nga serbisyo ilabina ang serbisyo panglawas nga himoon gikan gahapon Lunes hangtod Byernes, Oktubre 26.

“Lima ka adlaw man ni serbisyo nga gihandog ni Gob AGR. Sa atong Festival of Services daghan serbisyo ang naka-line-up: mga medical services, dentista, meron mga doctor dire, may hilot services, mga agricultural activities. Nagbibigay din sila ng mga tulong o advice sa mga gustong magpasok sa negosyo. Itong sa lima ka adlaw kamo ang makabenepisyo. Pwede man kamo magbalik-balik. Kung gusto nyo araw-araw kayo para maka-receive ng serbisyo, walay problema. Maski mga bata, mga senior citizens, mga teenager, sige balik-balik lang at saka libre man ang merienda. Kung mayron kayong ibang kapamilya kung dili pa nila alam nga naa itong services, sabihan sila para makarating dito,” matod ni Senior Board Member Rodolfo “Rodney” del Rosario.

Gipasabot sab ni Board Member Raymund Joey Millan nga ang Serbisyo Caravan walay gipili bisan kung unsa ang politikal nga baroganan.

“Sa akoang maihap ika-katorse or ika-kinse nga gipahitabo ning Festival of Services. Daghan mga proyekto, programa nga pwede ninyo i-avail sulod sa lima ka adlaw. Dili na kinahanglan mamilite, mahago moadto sa Capitol, ang probinsya maoy nagpaduol diha sa inyoha ug sulod sa lima ka adlaw. Dire sa Kapalong, this is now the second time. Ang primero didto gipahitabo sa barangay Florida ug maka-expect pa ta nga after dire ang probinsya moadto gihapon sa kabarangayan padayon mohatag ug serbisyo sa mga katawahan without any political color whatsoever, walay ID-hay, bisan unsa free man ni sa tanan” matod ni Board Member Millan.   

Bandang alas 3 sa hapon sa unang adlaw, 2,500 ang nag-avail sa mga serbisyo ug gituohang modaghan pa sanglit ang Serbisyo Caravan molungtad hangtod Byernes.