Hairdresser nga nanay, barbero PWD anak, dakong pasalamat sa FoS

BISAN lima lang ka adlaw, dakong pasalamat alang sa usa ka 69-anyos nga inahan ug 35-anyos nga anak nga dunay kabaldahan sa lawas (PWD) nga naapil sila sa mga barbero sa Libreng Gupit hatod sa Festival of Services (FoS) sa administrasyon ni Gobernador Anthony del Rosario.

Ang mga manggupitay (hairdresser ug barber) gihatagan P350.00 ug tulo ka kilo bugas isip allowance sa usa ka adlaw nga serbisyo sa Libreng Gupit didto sa Asuncion, Nobyembre 5-9, 2018.

Bisan kung kanunay sobra 10 ka ulo ang magupitan sa usa ka adlaw, mapasalamaton kaayo si Norma Javines Salazar, 69-anyos, sanglit dunay adlaw sa semana nga wala silay customer ug ang panggupit mao lamang ang ilang panginabuhian uban sa iyang 35-anyos PWD nga anak.

“Mao ra ni ang panginabuhian. Ok lang kay didto, usahay wala. Dako gyod kaayong tabang. Salamat gani ko nga natawag ko nila. . Pasalamat jud ko’g dako kang governor,” pasalamat ni Mrs. Norma.

Sa gipangutana kung okay lang kaniya nga adto sa Sawata, San Isidro manggupit pananglit paapilon pa sa Serbisyo Caravan, walay balibad si Norma.

 “Ok lang basta walay mga depekto (sa lawas)” pahayag sa senior citizen nga barbera.

Alang sa 35-anyos PWD nga anak ni Norma nga natawo nga dunay kabaldahan, mapasalamaton sab siya sanglit dunay mga higayon wala silay customer.

“Mao na ni akong pangibuhian, pangwartahan pod. Depende sa customer kay suki-suki ra man gud na. Naa ra seguro sa isa ka adlaw mga 250 seguro, ana. Usahay pod walay customer,” matod ni Jayson Javines nga nag-crutches samtang naggupit.

Ang sunod nga adtoan sa Serbisyo Caravan mao ang lungsod sa San Isidro ug andam moadto si Jayson nga wala ikaulaw ang iyang pagka PWD kung paapilon pa siya sa mga manggupitay.

“Yes, para makuan pod akong sarili nga makita pod ba nga manggupitay pod ko. Nadawat na nako ing-ani. Pasalamat ko kang governor del Rosario nga iya kung giapil nga ing-ani manggupitay,” pahayag ni Jason.

Gikan sa unang paghatod sa Serbisyo Caravan niadtong Pebrero, 2018, sobra na 2,000 ka lalaki ug babaye ang nakadawat ug libreng gupit dala sa BEST PEOPLE Festival of Services ni Gobernador Anthony del Rosario aron gayod mapaduol ang gikinahanglang serbisyo.

Ang Libreng Gupit maoy usa lamang sa halos usa ka gatos nga serbisyo dala sa tanang departamento sa DavNor Kapitolyo uban ang nasyonal ahensya sa AFP, PNP, Provincial Prosecutors Office, TESDA, PAO, LTO, DSWD, DFA, PSA, COMELEC, DENR, DA, DRMC ug DOH.


 

More Davnor Updates at

DavNor Karon

 

DavNor News