LIMA na sab ka probinsya ang nagkuha’g kahibalo labot sa Community Based Road Maintenance Contracting (CBRMC) Nobyembre 6-10, 2018 dinhi sa Davao del Norte.

Kahinumduman nga niadtong Oktubre 16-19, ang mga partisipante gikan sa Catanduanes, Kalinga, Nueva Ecija ug Pangasinan ang unang mipailawom sa CBRMC training ingong kinahanglanon (requirement) una pa makwalipkado nga makadawat ug pondo sa Conditional Matching Grant to Provinces (CGMP) gikan sa Department of Interior Local Government (DILG) aron sa pag-repair, pag-rehab ug pag-improve sa probinsyal nga mga karsada.

Ang delegasyon gikan sa Agusan del Norte, Agusan del Sur, Cebu, Iloilo ug South Cotabato ang ikaduhang grupo sa probinsya’ng nagbansay alang sa pag-implementar sa CBRMC.

“This is the first time nga nag-training kami at nakita naming magandang programa yung CBRMC. Pagbalik namin, we will try to convince the Local Chief Executive na i-adopt yung programang CBRMC,” matod ni Iloilo Provincial Planning Development Officer Rolle H. Depakakibo nga nagtug-an nga wala pa sila makasugod ug CBRMC.

“Nakita namin dito maganda yung CBRMC. Yung community nila appreciative. During field trip nakita naming successful ‘yung CBRMC. Na-amazed nga kami. Yung organization nila, yung mga tao cooperative,” matod ni Engr. Ma. Evelyn Rivera, sa PEO Iloilo nga nagbutyag nga iya sab kumbinsihon ang ilang administrasyon labot sa CBRMC ilabina nga aduna sila’y 655 kilometros nga probinsyal karsada.

Ang kauban sa team nga si Atty. Niel Rosales positibo sa CBRMC.

“Nakita namin na malaking maitutulong ang programang ito hindi lang sa community kundi sa kani-kanilang income kahit dyan lang sila sa kanilang pamamahay sa gilid ng daan. Kung maayos yung daan, yung produkto nila madali lang madala sa market,” matod ni Iloilo Provincial Legal Officer Atty. Rosales.

Ang pinakadato nga Province of Cebu nagpadala sab ug mga partisipante aron mokat-on sa CBRMC.  

“Di sad mi kayo ihaas ani kay sa among practice sa una nakasugat na mi’g dili lang siya contracting (but) more on labor pakyaw. Actually kani siya more on labor pakyaw kay all materials and even tools are supplied by the office. Na-enhance lang ni siya kay ang organization mao gyod ang liable. Naa sila’y financial capability to undertake the projects, minor items ni siya. Pwede pud ning i-adopt namo sa amoa,” matod ni Cebu Provincial Engr Rene Cone nga nagbutyag nga ang 4-5% sa 891 kilometros wala masemento probinsyal karsada maoy ilang tun-an labot sa CBRMC nga pamaagi.

Ang DavNor nahimong Galing Pook Awardee 2017 tungod sa CBRMC -- pagpaapil sa mga organisasyon sa mga mag-uuma, drayber, o ubang rehistrado’ng kapunongan -- aron mentinahon ang probinsyal karsada. Nakadawat sab ang DavNor ug pasidungog niadtong Marso 2017 gikan sa RPMC XI hinungdan nga gisuportahan kini sa Australian Aid for International Development (AusAID) pinaagi sa Provincial Road Maintenance Facility kun PRMF nga mga proyekto. (davnor pickmo)

Katuyoan gayod sa BEST PEOPLE development agenda ni Gobernador Anthony del Rosario nga matabangan ang katawhang Dabaonon nga dunay dugang income sa pagtubag sa ilang panginahanglan pinaagi sa pagpalig-on sa mga People’s Organizations nga maka-sustenir ug makabarog nga lig-on.

DavNor News