DavNor SK Fed nagtapok sa Sportsfest 2018

HUMAN sa lima ka tuig nga “pahulay” nahimong aktibo na sab ang Sangguniang Kabataan (SK).

Nagtapok ang Davao del Norte Provincial Federation alang sa tulo ka adlaw nga kalihokan Nobyembre 28-30, 2018.

“This activity is organized dili tungod para i-develop ang inyong pagka-competitive. We have reasons to celebrate this event. First is to celebrate the revival of the SK because we all know that the SK has been abolished for five years. We deserve to celebrate because five years nawad-an ug tingog ang batan-on diha sa lokal sanggunian, five years pod nga wala na-represent ang sangguniang kabataan,” matod ni DavNor SK Federation President ug ex-officio board member Dave Silotan ngadto sa kaubang batan-on uban ang todo pasalamat sa administrasyon ni Gobernador Anthony del Rosario nga migahin gayod ug pondo alang ilang kalihokan.

Hinuon gihatagan ugdang pagtagad sa DavNor ex-officio board member ang responsibilidad ug buluhaton sa SK.

“And next is of course to prepare us of our duties and responsibilities kay kabalo man gyod ta nga there is major shift sa atong SK. Karon we are given the financial independence. So mangumusta ko sa inyohang Local Youth Development Plan. How about the Comprehensive Barangay Youth Development Plan? You have to prepare that because the Joint Memorandum Circular of the NYC and COA effective na gyod ang atoang financial independence. So you have to implement PPAs, dapat holistic ang development sa atoang youths,” pasabot ni SK Fed Chair Silotan.

Dugang gidasig sa DavNor SK chair ang panginahanglan nga molihok aron dili walaon ang SK.   

“Dili ta magsige’g pa-liga lang kay ang atoang budget is allotted for youth development. So ato jung i-scrutinized unsa gyod ang mga needs o panginahanglan sa atoang mga barangay. So you have to conduct youth profiling para makabalo mo kung unsa gyod ang mga major concerns sa atoang mga youths. Can we make an SK, this batch, a productive one? Because this batch is a make or break batch. Kung dili mahimong productive o successful ang atong batch, after two years sa atoang term mawala na pod ang SK. So we have to work together hand-in-hand para naay permanente representative ang youth ug ang voice sa youth ma-heard. Hash tags simulan natin ang bagong SK,” padayong pagdasig ni Silotan.

Halos ang tanang 11 ka LGUs sa Davao del Norte adunay gipadalang delegado alang sa tulo ka adlaw nga kalihokan nga diha gipahinabo sa Davao del Norte Sports and Tourism Complex (DNSTC).


 

More Davnor Updates at

DavNor Karon

 

DavNor News