HUGTANONG SUPORTA ang gipasalig ni Gobernador Anthony del Rosario alang sa Davao del Norte Provincial Council of Women (DNPCW) atol sa ilang panagtapok didto sa RDR Gym, Myerkoles, Disyembre 12.

Sa iyang mensahe nga gihatod pinaagi ni Senior Board Member Rodolfo del Rosario, Jr., gipaabot sab sa gobernador ang iyang apresasyon sa tabang gikan sa mga kababayen-an aron pabiling mahiusa ang probinsya.  

“The most important blessing we can receive this time of the year is the gift of family that keeps us going day by day. Kamo mga kababainhan, usa ka inahan, anak, igsoon, asawa, o uyab dako kaayo ug papel aron mahimong lig-on ang bisan unsang relasyon. Salamat kaayo sa inyong tanan. And let us look forward and aim for a brighter and prosperous 2019. We must be instrumental in bringing together every communities not only to celebrate the joy of the yuletide season but also in building a stronger Davao del Norte. I assure you of the sustained all-out-support of the provincial government of your undertakings as an institution,” pasalig ni Gob AGR ngadto sa sobra usa ka libo ug duha ka gatos nga kababayen-an.

Ang Presidente sa DNPCW Ms. Aina del Rosario todo-pasalamat sa suporta nga nadawat gikan sa mga miembro.

“Tugoti ko ninyo nga magpasalamat sa inyong pagsupporta kanako nga presidente sa Provincial Council of Women. Dili lalim ang trabaho nato nga mahimong tingog sa kababainhang Dabaonon, pero kini atong malampusong nakaya. Without your help and guidance, we will not have been able to champion programs that will support, protect and provide more opportunities for the Dabaonon women,” pahayag-pasalamat ni Ms. Aina.

Wala kalimti sa DNPCW presidente ang daghang papel nga gihimo sa mga babaye diha sa ilang pamilya nga gi-extend pa gyod diha sa ilang tagsa-tagsa ka mga komunidad rason sa iyang todo-pasalamat.

“Kita nahimong inahan dili lang sa atong mga anak kundili sa atong kommunidad pina-agi sa atong pag-alaga ug pag-alima sa dakong bahin natong kababainhan sa pag-uswag sa atong probinsya. Karon na tuig nakita nako ang lig-on ug dasig nga sisterhood natong mga kababainhan. Akong gipanghinaut nga ang atong pag-alima sa abilidad ug paghatag ug malasakit sa isig katawo di magpu-as ug ma-double pa sa moabot nga bag-ong tuig,” dugang apresasyon ug panghinaut sa DNPCW presidente.

Atol sa panagtapok aktibong nakigbahin ang mga babayeng Mayor Virginia Perandos sa Carmen, Atty. Leah Moral-Romano sa lungsod sa B.E. Dujali ug Rhodora Alcoran sa New Corella. Mitambong sab si Board Member Shirly Belen Aala, kanhi District 2 Board Member Janet Gavina, kanhi Mayor Lolita Moral, Ms. Beth Millan, ang asawa ni BM Raymund Millan, Ms. Rochelle del Rosario, ang asawa ni Board Member RDR, Jr., Ms. Jane Ang ug kanhi presidente sa DNPCW Didi Nuñez.

DavNor News