NALIPAY ang Apokon Elementary School (AES) nga nahimong kabahin sa paghatod ug serbisyo publiko ingong venue sa 2-ka adlaw Festival of Services sa probinsyal nga panggamhanan sa Davao del Norte Enero 21 ug 22, 2019.

Apan bisan sa duot sa tawo nga miabot 2,965 sulod sa duha ka adlaw, gipaneguro sa pamunuan sa eskwelahan nga dili gayod malaktawan ang mga klase.

“It is my honor and utmost privilege nga usa ang Apokon Elementary School nga venue sa gipahitabo nga Festival of Services sa probinsya. I make sure nga walay disruption sa klase. As a school principal, unang-una nagkaroon mi ug conference with the faculty aron mabuhatan namo siya’g mechanism kung diin maka-offer mi ug lima ka classrooms diin ipahitabo ang medical ug dental activities. Ang mga bata nga naa sa lima ka classrooms nga gigamit amo siyang properly deployed sa iyahang grade level kung diin ang mga teachers nagkaroon pod sila ug re-schedule para ang mga kabataan under their grade level magkaroon ug regular nga klase,” matod ni AES principal Ginalyn Canlas nga nagtug-an nga aduna gyod Division Memorandum gikan kang Tagum City Division Superintendent Dr. Nelson Lopez nga ang AES mao ang venue apan segurohon nga walay malaktawan nga klase. 

Gawas sa residente sa Apokon, mismo ang mga pupils sa AES nakabenepisyo sab.

“Nalipay kaayo ko kay naay po’y mga kabataan namo nga naka-avail, kadtong naa nay ginabati sama sa ubo, kalentura. Nangayo ug consent ang ilahang ginikanan para mahiram sa ang ilang mga bata para ma-check-up. Ug nalipay kaayo ko Gov kay ang among mga kabataang lalaki gwapo na kaayo kay mi-avail sila sa free haircut,” dugang pagtug-an ni principal Canlas ug nga aron maseguro ang kahapsay ug kalinaw sa eskuylahan matag karon ug unya nakighinabi iya ilabina sa mga polis nga nagbantay.

Bisan kung dugang responsibilidad ang FoS, gibutyag ni Ms. Canlas a siya ug kaubang magtutudlo mibati’g kalipay nga nahimong kabahin niini.

“Basta magserbisyo sa atong katawhan wala gyo’y bug-at kung happy ang atong heart, happy ang atong heart nga maalagaran ang atong constituents sa Barangay Apokon, ug mao lang pod na ang akong gamay nga matabang. Lipay ko kay nahimo kung parte sa serbisyo publiko sa probinsya sa Davao del Norte. Nakita nako ang nawong, ang smiles sa mga Apokonians nga happy kaayo kay dako na kaayo ilahang pabor. . nagbitbit sa ilang mga iro, iring nga nagpa-immunized. Happy ko ug happy pod ang mga teachers; part sila ani, part in the sense nga being organized pagkahitabo sa Festival of Services,” tubag sa mapahiyomong principal nga sugot kaayo nga himoong regular ug annual nga panghitabo ang FoS sa AES.

Ang mga pupils happy sab nga nagdala sa empty PET bottles sa tubig ug juice ngadto sa DavNor PENRO isip tabang sa paghipos sa basura. Hinuon gipahalipayan sila sa PENRO pinaagi sa “sukli” nga bugas baylo sa 58 piraso nga plastic.

Dugang nagpasalamat sab ang AES pinaagi ni principal Canlas sa gihatag ni Gobernador Anthony del Rosario nga 50 units television sets ug heavy-duty sound system ingon man ang graba para sa ginahimong feeding center sa eskuylahan.

DavNor News