Lain-laing sektor sa Visayan Village mapasalamaton sa FoS

BISAN duha lang ka adlaw, apan mapasalamaton ang mga senior citizens, kababayen-an, sakop sa Muslim community, tigpamaligya, labandera ug bisan ang mga masahista gumikan sa paghatod sa Festival of Services (FoS) sa Visayan Village, Enero 24 ug 25. 

Si Bienvenido, 66 anyos nga taga J Village talagsa ra magpamasahe gumikan sa kwarta.

“Talagsa lang kung naay kwarta. . Karon nga naay gi-offer ni Governor AGR, maayo miapil ko ba. . nindot ang epekto sa ilang pag-massage kay ma-condition pod ta. Ang atong lawas maabtik ta, abtik gyod, matod ni Bienvenido nga human na nagpa-check-up sa iyang panglawas.

“Humana, human na ko’g check-up, mao ni final para ma-kumpleto jud ang kondisyon sa lawas, para makalahutay pod ta. . matagbaw gyod sa iyang mga serbisyo,” dugang sa 66 anyos nga mapasalamaton:

“Salamat kaayo sa mission medical nga gikuan ni Governor Anthony del Rosario, salamat kaayo nga mga katawhan malipay pod sama sa amoa karon.”

Si Mrs. Rani Sais Ali, 25 anyos ug nagpuyo sa Purok Buli, Visayan Village mapasalamaton sa tanan nga nadawat sulod sa duha ka adlaw.

“Naa pod. . nakadawat pod. . Mga bugas, naa po’y uban-uban, para’s karon mga tambal. Nagpasalamat ko sa iyaha kay naa’y gipanghatag nga mga services nga libre ba, kay Antonio del Rosario,” matod ni Mrs. Ali nga mibalik sa ikaduhang adlaw alang sa serbisyo panglawas.

Bisan si Norayda sa Purok Buli, 57-anyos sa mubong pagkasulti nagpasalamat: “Si Anthony, salamat kaayo.”

Si Jerry Mahilom gipahimuslan ang duha ka adlaw nga tapok sa mga tawo ug namaligya’g ice buko.

“Namaligya ko gahapon aron naay ikapamugas. Naa na ma’y libreng bugas sud-an na lang pod. . taga dire ko Purok Buli. Nakakuha ko’g bugas gahapon, maayo na lang pamaligya nako nga naa na’y bugas, sud-an na lang pod. Kapalit na pod sud-an, naa na po’y madaginot gamay,” matod ni Jerry samtang naghulat ug mopalit sa iyang baligya.

Sa gipangutana kung unsa ang iyang ikasulti sa programa nga FoS.

“Uyon kaayo ko, maayo ni ah, pagkamaayo ani nga programa, makatabang sa atong mga kaigsoonan. Dako kaayo ko’g pasalamat. Maka-kwarta pa ta, naa pa ta’y libre bugas,” pasalamat ni Jerry.   

Bisan kung 22 anyos pa si Sabel apan tungod sa iyang pagka-labandera nagpamasahe pod.

“Labandera man gud ko. Aron magaan-gaan pod. . bug-at man gud akang lawas. Nangutana gani ko ug sakit ba, lami man daw,” pahayag ni Sabel nga sa unang higayon makatilaw ug masahe.

Mapasalamaton kaayo si Sabel nga ginganlan ang mga nadawat nga kaayohan sa FoS.

“Nagpasalamat mi nga iyang gikuan sa amoa, naglantaw gyod siya sa amoa ug unsa gyo’y kaayohan sa mga tawo. Nagkuan ko’g gupit, tapos nagkuan pod ko sa Philhealth ni AGR sa Mangga,” saysay ni Sabel nga nakapahimulos sab sa unang paghatod sa FoS didto sa Mangga.

Si Mrs. Cecil Agbas taga Purok 1, Mesaoy, New Corella maoy usa ka masahista nga mapasalamaton sab sa FoS bisan kung dagko ang iyang masahean tungod sa honorarium nga madawat.

“Naanad na ko kay dagko man gud akoang gina-massage. . Home service, depende pag naay magpa-massage. . 250 pero mga barkada ra man 200 ra akong ginapangayo. . Dako siya’g katabang. . Nindot siya nga programa kay dako kaayo’g tabang sa amoang kaugalingon ug sa mga katawhan,” matod ni Cecil.

Sulod sa duha ka adlaw nga FoS sa Barangay Gym, nakaserbisyo na sab kini ug sobra 2,500 hangtod ni pagsulat gawas pa sa 4,415 dihang gihatod kini didto sa Mangga, Visayan Village.


 

More Davnor Updates at

DavNor Karon

 

DavNor News