SINGKWENTA’Y TRES ka mga doktor, narses ug mga boluntaryo gikan sa lain-laing dapit sa Amerika ang  nag-medical mission sa lungsod sa Braulio E. Dujali, Carmen, Panabo City ug Sto. Tomas sa milabay’ng semana.

Kadaghanan sa mga boluntaryo nga sakop sa Medical, Surgical Mission of Texas maoy mga Filipino-Amerikano (Fil-Am) nga didto na nanimuyo sa Estados Unidos.    

“Medical, Surgical Mission of Texas (MSMT) is a non-profit organization established in 2000 by a group of physician. . dating mga doktor na grumadwet sa Pilipinas na nasa Amerika na mostly after Pinatubo. . nag-raise ng funds para pambili ng gamot; babalik sa Pilipinas every year naghanap ng mga lugar na kaka-disaster lang kagaya ng Haiyan,”matod ni Dr. Mary Jane Castro, ang nangulo sa grupo.

Usa ang amerikano nga si Steve Cox nga bisan dili doktor apan mag-onse anyos na nga aktibo sa pagboluntaryo kauban ang MSMT. Nagdala pa kini ug siyam ka mga dagkong karton sa mga used clothing, dulaan ug pagkaon alang sa mga benepisyaryo.

“I bring relief goods, used clothing, blankets, nets, stuff for everybody. . I go where they go. . This is my eleventh year of doing with medical mission of Texas. . . with some places in the Philippines. . For me it’s easy, the kids welcome me,” matod ni Steve Cox.

Gawas sa mga personahe ug serbisyo-medikal, nagdala sab ang MSMT ug mga reading eyeglasses. Ang mga Fil-am nga mga medikal personahe gikuyogan sab sa lokal nga dentists, nars ug mga doctor.

Kun nganong Davao del Norte ang gipili?

“We surveyed, go to the Department of Health and we asked where there is a need. . We had to ask a letter from the city that there’s a need,” pasabot ni Dr. Mary Jane Castro nga mapasalamaton sa init nga pagdawat sa mga opisyales ug publiko sa ilang mga serbisyo.

Gawas sa libreng serbisyo mitunol pa gyod ang usa ka doctor ug $480 aron iamot sa paghuman sa patubig padulong sa operating room sa Carmen District Hospital.

Mapasalamaton kaayo ang Davao del Norte pinaagi ni Provincial Health Officer Dr. Alfredo Lacerona sa pag-abot sa MSMT.

“When Dr. Cherry informed me that a group from America will be coming for a medical mission, tuwang-tuwa kami. Salamat po sa inyong lahat, welcome po kayo sa Davao del Norte in behalf of the province. .  I hope you have a wonderful stay, sana magtagal pa kayo,” pasalamat ni Dr. Lacerona atol sa gipahinabo nga salu-salo alang sa mga medikal-misyonaryo.  

Sulod sa halos upat ka adlaw, ang mga misyonaryo nakahimo ug sobra 2,472 ka medikal check-ups, sobra 15 ka major surgeries, 120 ka gagmay nga operasyon, nag-apod-apod ug sobra 832 ka mga reading eyeglasses ug lain-laing mga gasa ngadto sa residente sa upat ka LGU sa Distrito 2 sa DavNor.

DavNor News