NAHIMONG importanteng bahin ug haylayt pa sa ika-21 kasaulogan Araw ng Braulio E. Dujali ang Davao del Norte Festival of Services (FoS) caravan dala sa administrasyon ni Gobernador Anthony del Rosario.

Atol sa pagbukas niadtong Byernes, Marso 1, matod ni B. E. Dujali Mayor Atty. Leah Moral-Romano nga ang FoS caravan dako kaayo’g bahin sa ilang kasaulogan.  

“Dako kaayo ang akong kalipay kay nahimo na siya nga highlight, kabahin sa selebrasyon sa Araw ng Braulio E. Dujali. . .With this monumental Festival of Services, del Rosario RDR Jr, AGR, Vice Gov Millan, Board Members, made government services accessible to the masses. Abilidad at Malasakit is truly felt by the people. Dulot sa amon tagipusoon kay inyong gipaduol ang provincial government sa dughan sa mga tawo sa Braulio E. Dujali. Pangga gid ta ni Gov ug pangga pud nato si Gov,” matod ni Mayor “Tata” Moral atubangan sa mga tawo gikan sa Cabay-angan, Dujali, Magupising, New Casay ug Tanglaw.

Matag agi sa FoS caravan sa isa ka LGU, bitbit niini ang sobra kawaloan (80) ka mga serbisyo diin LIBRE ang tanang serbisyo sa probinsyal nga mga opisina. Dili hinuon libre ang serbisyo sa nasyonal nga ahensya nga mokuyog sa caravan sama sa LTO, PSA, SSS ug uban pa.  

“Dinhi nato makita nga tarong, tinuod ug may malasakit sa atong probinsya kay gihimo ang flagship program, ang Festival of Services caravan, diin ang tanan gikinahanglang serbisyo sa lungsod gidala mismo dinhi sa atong tugkaran. Dili na kailangan moadto sa Kapitolyo kay anaa na dire ilahang gidala,” dugang pahayag ni Mayor Moral-Romano.

Si Board Member Raymund Joey Millan nga maoy naghatod sa mensahe sa probinsya nag-awhag sab nga pahimuslan ang libreng mga serbisyo.

“Ubay-ubay nga mga libreng serbisyo ang pwede ninyong ma-avail. . Kung unsay inyong panginahanglan nga ma-offer karon sa probinsya inyohang i-avail walay problema, libre snack, libre paniudto. Tanan taken care of gyod mo, so way rason nganong dili ta mo-avail sa lima ka adlaw nga serbisyo. Ang probinsya na gyod ang nagpaduol sa inyoha. Naay medical, dental, mga seedlings, kadtong naay problema sa ilahang birth certificates, so pwede na dinhia inyohang ma-avail. Nakigduyog ang probinsya sa paghatag ug serbisyo atol sa inyohang ika-21st founding anniversary,” pahayag ni BM Millan.

Gawas sa libre probinsyal nga mga serbisyo, gipasalamatan pag-ayo ni Mayor Moral-Romano ang tinuod nga serbisyo nga nailhang “Tatak del Rosario.”     

“Dili lang kana naa pa’y gipanghatag, gibitbit nga regalo gasa pahalipay si Gov AGR ug RDR Jr. nga wheelchairs para sa aton immobile nga kasinmanwa, tv sets nga gi-promise ni Governor didto sa RDR Gym para sa atong mga child welfare teachers, 21 day care centers tanan sa tibuok munisipyo kay para mas dali ang pagpasabot, pagtudlo sa atong mga pangga. . Last year didto ta sa gym sa Dujali Elementary School sa karaan nato nga gym. Ug karon wala jud nakalimot si Gov. Naay ginabuhat na karon ang atong elementary school gym, ang tinuod nga serbisyo “tatak Del Rosario,” matod sa mapasalamaton nga mayor sa B. E. Dujali.

Kini na ang ikaduha nga paglibot-hatod serbisyo caravan sa Braulio E. Dujali ug ika-28 alang sa tibuok Davao del Norte.


DavNor News