GIKAN sa Chief Executive, mga barbero, ordinaryong tawo, bisan asosasyon, tanan kinasingkasing nga mapasalamaton sa mga kaayohan nga hatod sa ikaduhang pagbalik sa Festival of Services caravan didto sa Braulio E. Dujali, Marso 1-6, 2017.

“Abilidad at Malasakit is truly felt by the people. Dulot sa amon tagipusoon kay inyong gipaduol ang provincial government sa dughan sa mga tawo sa Braulio E. Dujali. Pangga gid ta ni Gov. Dinhi nato makita nga tarong, tinuod ug may malasakit kay gihimo ang flagship program, ang Festival of Services caravan. Naa pa’y gipanghatag, gibitbit nga regalo gasa pahalipay si Gov AGR ug RDR Jr. nga wheelchairs para sa aton immobile nga kasinmanwa, tv sets nga gi-promise ni Governor. Last year didto ta sa gym sa Dujali Elementary School sa karaan. Ug karon wala jud nakalimot si Gov. Ginabuhat na karon ang atong elementary school gym, ang tinuod nga serbisyo “tatak Del Rosario,” pasalamat ni Mayor Atty. Leah Marie Moral-Romano sa pagbukas niadtong Marso 1.

Si Medalla Angalan nga taga Magupising, B.E. Dujali mihilak pa sa kalipay samtang gidawat ang gasa nga wheelchair gikan kang Gob AGR.

“Kay akong partner di man kalakaw. . kamang lang. . Magpasalamat gyod ko dagko kay naa ko’y wheelchair sa akong partner. Magpasalamat ko kay sir AGR. Magpasalamat ko sa tanan nag-kuan dire kay naa ko’y nadawat nga wheelchair sa akong partner,” pasalamat ni Medalla nga nagpahid sa iyang luha.   

Si Eskoy Aliao, presidente sa Braulio E. Dujali Barbers Association (BEDBA) mapasalamaton nga ilang grupo ang gitugotan nga mang-gupit sulod sa gidugayon sa FoS sa BE Dujali nga may “honorarium” sanglit madugangan ang ilang pondo nga magamit sa mga training alang sa mga miembro.

“Nag-conduct pod ug training seminar para sa spa, rebond, uban pa aron dili lang gupit among hibaw-an kundili sa tanan sa salon kuha pod nila. . Ok kaayo. Magpasalamat gyod mi’g dako sa nagpa-libreng gupit labi na gyod nga ang amoang asosasyon maoy gi-tap, dako kaayo’g tabang sa amoang asosasyon. Magpasalamat pod mi kay Gov AGR sa iyahang programa,” matod ni BEDBA presidente nga nagtug-an nga miagi ug “down” ang ilang asosasyon ug na-otro pag-organisa niadtong 2016.

Si Estrella Nietes sa Purok 3, B.E. Dujali ug miembro sa BEDBA naghangyo nga kung pwede himoon kaduha sa usa ka tuig ang FoS.

“Ok kaayo kay dako jud ug tabang sa amoa kay sideline sa amoang pang-income sa panginabuhi. Salamat jud sa nag-pasimuno ani tungod kay dako jud iyang natabang sa amoa. Kung pwede kaduhaon sa isa ka tuig,” matod ni Estrella.

Byernes pa Marso 1 nadunggan ni Cherrylou nga taga Tanglaw, B.E. Dujali ang libreng mga serbisyo apan tungod kay na-eskedyul sa packing sa planta sa saging, Martes na siya nakahigayon.

“Avail libreng gupit, lugaw, pa-diet-diet. . Angay kaayo. Pasalamat kaayo’g dako kay naa ning oportunidad ug uban pa. Malibre, maayo na lang sa isa ka tuig kaisa. Salamat kaayo kay Governor Anthony del Rosario. . Opportunity pod kaayo namo nga naay free,” matod ni Cherrylou.

Kahinumduman nga sa unang paglibot niadtong Marso 2, 2018, ang FoS nakaserbisyo sa 5,687 ka mga lalaki, babaye, bata ug mga tigulang gawas pa sa lain-laing klase nga mananap nga nakadawat ug pag-atiman.

DavNor News