MIABOT na ug halos Usa ka libo lima ka gatos nag-live-in nga magtiayon ang natabangan ma-legal ang panagtipon pinaagi sa libreng Kasalan ng Bayan hatod sa Festival of Services (FoS) caravan ni Gobernador Anthony del Rosario.

Sa Fos Kasalan ng Bayan sa Braulio E. Dujali, Huwebes, Marso 6, dugang kap-ata’g lima (45) ka magtiayon ang nangisog aron himoong legal ang ilang panagtipon ug parehas sa nangaging kasalan, gi-libre ang bayronon sa pag-proseso, gisul-ob, cake ug daghan pa.  

“Congratulations kay gitugkan mo’g kaisog nga magpakasal. Inyong gi-grab ang opportunity nga naay libreng Kasalan si Gob. . Isa sa mga rason nga gusto gyod nato nga naa ta’y Kasalan ng Bayan nga mababa ang numbers sa illegitimate children kay mao man gud ang problema nato sa Civil Registry, maayo nang kaslon na para mahimong legitimate ang inyong mga anak para han-ay atong mga records na,” matod sa officiating officer B. E. Dujali Mayor Atty. Leah Marie Moral-Romano.

Gipasalamatan pag-ayo sa Mayor ang pag-pangga sa probinsyal nga panggamhanan sa daghang libre gawas sa singsing ug “aras” nga gamiton sa seremonyas.

“Dako kaayo ang atong pasalamat sa amahan sa probinsya kay libre na tanan. Libre na ang proseso para makasal, naa pa’y sinina, cake, regalo. . igo na lang moadto dire para mosulti ug “I do.” Palakpakan nato ang amahan sa probinsya si AGR and of course RDR, Jr. sa ilang dakong pag-pangga ug ilahang concern para sa legalidad sa kaminyoon,” pasalamat sa mayor.

Si Board Member Atty Raymund Joey Millan nga naghatod sa mensahe ni Gob AGR ug sa probinsya nagpasabot sa daghan kaayong benepisyo tungod sa pagkahimong legal sa panagtipon.

“Ang probinsya sa Davao del Norte tuyo nga ma-legalize mo isip usa ka pamilya dili kay nagpuyo-puyo lang. Ang definition sa family is the basic social institution; tigumon nimo ang mga pamilya mao na naa ta’y government. . barangay, munisipyo ug probinsya. . . Karon pasalamat ta nagminyo mo. Kanang inyong mga bata sa Local Civil Registrar pwede na ninyo ipa-legitimation process. . madala na niya ang apelyido sa imohang bana. Mao na ang isa sa dako nga epekto. Ikaduha, mahimo na gyod mo’ng mga asawa nga legal beneficiary sa inyohang mga bana. Daghan pa ug benepisyo nga nakuha ninyo tungod kay nagminyo mo,” pagbatabat ni BM Millan sa legal nga kaminyoon.

“Ang province of Davao del Norte nagahatag gyod ug importansya sa lig-on nga pamilya, mao nang gipahitabo karon libre halos tanan. Nakig-alayon ang province together inyohang munisipyo ug gi-provide ang tanan. .Palakpakan nato si kasamtangang Governor AGR. . Anthony del Rosario, iyang magulang RDR, Jr. . mga department heads, mga ninong na sila ug ninang ninyo manghatag pod na sila’g regalo para mas meaningful pa ang inyong kasal karong adlawa,” dugang esplikar ni Millan sa      

Aron makatawag sa iyang kapuyo nga bana ug asawa, nagpakasal gyod ang 80-anyos ulitawo nga si Juanito Himoya ug Dolores Lahoy-lahoy 82-anyos.

“Ug di ko magpakasal di gyod nako siya asawa, live-in ra nako siya. .  Ako siyang giminyoan kay nag-higugmaay mi,” rason ni Juanito ug Dolores nganong nagpakasal bisan sa ilang pangedaron.   

Tungod sa paningkamot sa probinsyal nga administrasyon ni Gob AGR, sobra na Dos milyones pesos ang gastos aron lang gyod matabangan mahimong legal ang panagtipon sa 1,493 ka magtiayon.

DavNor News