MAGTUKOD sab ang probinsyal nga panggamhanan ni Gobernador Anthony del Rosario ug Lima ug tunga milyones nga Sheltered Education Workshop bilding alang sa mga Persons with Disabilites (SEW-PWD) walay labot karsada kun access road padulong sa tinukod.

Ang kapsula gipahiluna Huwebes, Marso 28 kasunod sa pagbutang sa kapsula alang sa Singko milyones nga Balay Silangan.

“Congratulations gayod sa atong tanan kay finally matukod na nato para sa atong mga PWDs ang atong Sheltered Education Workshop and of course ang ikaduha ang atong Balay Silangan Reformation Center, usa ka programa nga nagsuporta sa usa sa mga priority sa atong mahal nga Presidente Digong Duterte. Of course dangpanan under sa programa sa Social Welfare ug usa pod ni ka klarong ebidensya naa gyod ta’y gibuhat dinhi sa Davao del Norte,” matod ni Gobernador AGR nga migahin gyod ug panahon alang sa maong kalihokan.

“At last ato na karong gi-abrihan pormal ang Sheltered Education Workshop for Persons with Disabilities. Kini nga budget mokabat ug 7.5 million. Ang two million is for the access road, kaning 5.5 is for the building,” matod ni Davao del Norte department head Provincial Social Welfare Development (PSWD) Officer Rosalinda Rapista.

Ang SEW-PWD magsilbing bansayanan sa mga PWDs ingon man magsilbi sab nga ilang trabahoan.

“Kining Sheltered Worshop sa atong PWD para makahatag ta’g mga services like skills development. . computer training wherein makatrabaho sila dinha kadtong on-line nga panarbaho nila . . in coordination with DOST. . i-equip nato ni’g wi-fi. . Duna pod ta’y gipanghimo nga skills assessment sa ilaha so posible naa na ta’y baking, vulcanizing, welding, posible nato na dire himoon. This is a very good tabang nato sa mga PWDs wherein ma-enhance ilang skills at the same time giving them livelihood,” dugang pahayag sa PSWD department head.

Nakig-alayon sab ang ubang ahensya sa pagtukod sa SEW-PWD bilding ang Disability Affairs Council, DOLE nga makahatag ug initial capital, LTO, Department of Health, Provincial Health Office, PCDA ug ingon man ang TESDA.

“Nagpasalamat mi karon nga ato na gyod na-pursue,” kinasingkasing pasalamat ni PSWDO Rapista ilabina ngadto kang Gobernador AGR.    

DavNor News