Walay hunong ang monitoring nga ginahimo karon sa probinsyal nga panggamhanan nga gipangunahan ni Kuya Gov Edwin I. Jubahib aron masiguro nga ang tanang mga frontliners adunay igo nga proteksyon ug mga nag-unang panginahanglan sama sa pagkaon ug protection kits nga adunay mask, alcohol, sabon ug uban pa. Dugang niini, gitagaan pud sila ug mga reflecttorized lifevest, megaphone, flashlight, folding bed, raincoat, tubig nga adunay water dispenser, ug uban pa.

Ang maong mga frontliners sa 23 ka checkpoints sa tibuok probinsya ubos sa pagdumala sa Provincial Health Office, gilangkuban sa Armed Forces of the Philippines, Philippine National Police ug mga personahe gikan sa mga lokal nga panggamhanan. Ang pag-apod-apod nga gisugdan niadtong Huwebes, Marso 19, gipangunahan sa Provincial Social Welfare and Development Office ug Provincial Disaster Risk Reduction Management Division.

Sa laing bahin, ang mga stranded commuters niadtong Sabado sa gabii, Marso 21, didto sa Sitio Natulinan sa Talaingod nga niagi sa Bukidnon-Davao del Norte Road ug gideklarang mga Persons Under Monitoring (PUMs) gipang-apod-apodan usab ug food supplies sama sa bugas, sud-an, mga kitchen utensils sama sa kaldero, banig, moskit, ug uban pa. Sa karon, aduna na lang siyam ka mga indibidwal nga kadaghanan taga Davao del Norte ang nagpabilin sa boundary kay sila nipailalom sa quarantine tungod sila milabay man sa mga COVID-19 positive nga mga lugar.