Nagtinabangay ang mga “repackers” nga gilungkuban sa mga empleyado, sibilyan ug mga pulis aron mahatod dayon ang ayuda sa Probinsyal nga Panggamhanan nga gipamunuan ni Governor Edwin "Kuya Gov" Juhabib ngadto sa tanang Local Government Units (LGUs) sa Davao del Norte.
Tumong ni Kuya Gov nga mahatagan ang 294,673 ka pamilya sa tibuok probinsya ug i-prayoridad ang dunay PUI, PUM ug mga “WW” (Walang-Wala) sama niadtong walay permanente’ng trabaho.
Ang kada food pack gisudlan ug tulo ka kilong bugas, duha ka lata nga tinapa, sabon ug hand sanitizer. Ang unang hugna sa mga food packs muabot sa 33,000.
