Subay sa mando ni Kuya Gov. Edwin I. Jubahib nga pakusgan ang COVID-19 response sa tanang lokal nga panggamhanan sa Davao del Norte, gitukod sa LGU Talaingod ang unang isolation tent alang sa mga Persons Under Monitoring (PUM) didto sa bag-ong terminal sa lungsod.

Sumala pa ni Municipal Administrator Clifford Libayao, ang usa ka air-conditioned isolation tent adunay kapasidad nga mapuy-an sa 20 ka mga indibidwal nga i-monitor sa mga personahe sa Municipal Health Office ug Barangay Health Emergency Response Team. Gisiguro usab ni Mayor Jonnie Libayao nga ang mga tao nga mupailawom sa monitoring mahatagan sa gikinahanglang pagtagad busa ang matag tent adunay sakto nga mga pasilidad sama sa standard bed, comfort room, ug uban pa.

Mamahimo na nga magamit ang isolation tent sunod semana. Dugang niini, isunod na pud pagtukod ang lain pa nga isolation tent nga pareho ug kapasidad sa nauna nga gitukod. Nagkantidad ug 1.5 million pesos ang duha ka isolation tents lakip na ang mga pasilidad niini ug ang pondo nag-gikan sa Bayanihan Grant.